Obrolan Warong Kofi Tjiratjas

Warong Kufi Tjiratjas

abal : neng tyas, kufi siji

tyas : oke boss, pake telooorrr…?

abal : emangnye gue tede, apa apa pake telor, kagak, gule nye dikit aje

tyas : oke boss, ech tede kemane ye

abal : tadi die esemes, mau ke polda dulu

tyas : ambel pengsion kah, kan neh bulan tua, minjem duet kale..?

abal : kagak, die bilang mau ngurus surat izin .

tyas : ech bakal apaan tuh Surat jin emang mau nyare kerjaan, pan die sudah expired,..hehehehhe

abal : kagak ngarti, tede buat pekare aje,…

*********

tede : assalamulaikum,   bal, tyas piye kabare,……

tyas : alhamdulillah baek baek, sejahtera sentosa

abal : idem dito, sentosa sejahtera

tede : syukurlah kalo begheto, neh oleh oleh dari polda,….

tyas : amplop duit , terima kaseh ye,…

abal : gue kebagian berape,  operasi batok lo,….

tede : eh ente bedue, bukan, ini bukan duit, gengsi gue walau udeh purnawirawan kagak mau trima belas kasih,…

tyas : alah si boss belagak belagu,..hahahahha

abal : kalo di kaseh jangan ditolak, asal jangan minta minta,…

tede : gile ye ente bedue, ni amplop isinya surat izin

tyas : buat apaan tuh surat, pak purnawirawan  ?

abal : untuk minjem duit di rentenir khale,….. hehehehe

tede : salah, ni surat sakti  akan gue kantongi kalo pergi kemana mane ,…

tyas : pan ente ude punye katepe, emang tuh katepe ghoib ?

abal : Surat sakti ntuh buat apaan, ngrepotin aje,….

tede : neh surat ane gunain untuk jage jage

tyas : jage jage kalo ketangkep satpol pp ye,…hehehehe

abal : buat kawin lagi khaleee….

tede : ngeres’ ente bedue. surat sakti neh gue pakai kalo mau ber foto pun wawancara dengan Pejabat Publik, Presiden, Gubernur , Waklikota Camat Lurah juga Menteri

tyas : emang sudah keluar Peraturan Pengganti Undang Undang (Perpu)

abal : salah mahkamah konstitusi ye,…?

tede : tyas, abal yang gagap,. sekarang para pejabat takut bila berfoto dengan rakyat, takut di salah gunain ,..

tyas : terus apa hubungannye dengan surat sakti.

abal : ape urusannya sampe ade surat sakti sebelum berfoto dan wawancara ,…

tede : ini semue gara gara wts

tyas : weleh, kog segitunya pake nyalahin pe rem puan

abal : tede lo jangan maen maen, ini cerita agak laen

tede : ente bedue udeh ngeres, wts itu singkatan wartawan tanpa surat kabar

*********

Salam  Salaman

PenasehatpenakawanpenasaraN

Pasar Induk, 29 Oktober 2013

[Tede]

***********